Кириш Регистрация
27/05 21:30 Лейпциг 2-2 Герта
27/05 23:30 Аугсбург 0-0 Падерборн
27/05 23:30 Унион Берлин 1-1 Майнц-05
27/05 23:30 Фортуна 2-1 Шальке-04
27/05 23:30 Ҳоффенҳайм 3-1 Кёльн
29/05 20:00 Торпедо-БелАЗ - Смолевичи
29/05 22:00 Городея - Неман
29/05 23:30 Фрайбург - Байер

Хабарлар

Хайрулла Ҳамидов мақоласи: "Инқилобчи"

Баҳо:
+ | -

Навбатдаги қаҳрамонимиз Луис Энрике. 1970 йили Хихон шаҳрида туғилган ноёб истеъдод соҳиби шаҳари клубида ўзини кўрсатгач Мадриднинг "Реал" жамоаси билан беш йиллик шартнома имзолайди ва дарҳол асосий таркиб ўйинчисига айланади. Аммо Луис беш йил давомида эътироз билан яшади.

Энрикенинг яхши хусусияти бор эди – марказий ҳимоядан бошқа барча амплуда ўйнай оларди. Бунақа ноёб йигитдан "Реал" мураббийлари асосан бўш зоналарни ёпишда фойдаланардилар. Энрикега бу ҳол ёқмасди. Бир жойга мослашишига халақит берарди чунки. Охири Мадрид клуби билан шартномасини чўздирмади. Эркин агент сифатида қироллик клубининг азалий рақиби – "Барселона" томонга йўл олди.

Табиийки, Мадридда унинг номи "хоин"га чиқди. Шу боис, каталониялик мухлислар ҳам бошида Луисга нисбатан эҳтиёткорроқ туришди. Аммо Энрике каталонлар сафида ўзининг энг яхши жиҳатларини оча олди. Бразилиялик Роналдо билан ажойиб тандемга айланди ва иккинчи мавсумида 25 голи билан тўпурар бўлди. Энг даҳшати – мавсумнинг охирги ўйинида Сантягода Реал дарвозасига тўп киритиб, "Барса"нинг олтин дубль эгаси бўлишини таъминлади.

Гвардиола жамоадан кетгач, 2001 йили сардорлик боғичи Энрикега ўтди. 34 ёшида юқори даражада ўйнай олмаётганини ҳис қилгач, Пуйолга боғични топшириб, футбол билан хайрлашди.

Луис Энрике номи "Барселона" билан қўшиб айтилганида, футболчилик фаолиятидан кўра мураббийлиги кўпроқ эсланади. Каталония клубига у "Рома"даги муваффақиятсиз мавсумларидан сўнг келган, бу соҳада ҳеч нарса қила олмайдигандек эди. У яна вақтида келганди. Месси-Неймар-Суарес учлигининг шаклланиши Энрике эрасига замин ҳозирлади. Олтин требль ва ПСЖ билан ўша машҳур камбэк Энрике сиймоси билан эсланади.

Ҳозирда терма жамоа бош мураббийи. Ундан вақтинча кетиб яна қайтди. Евро-2020да қизил фурия билан катта натижалар кутиши тахмин қилинганди. Бу режаси бир йилга сурилди. Сабабини биласиз.

Манба: Хайрулла Ҳамидов телеграм канали
Киритилди: 09:05, 08.05.2020.
Ўқилди: 2462 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.