Ушбу рукнимиздаги энг сўнгги янгиликлар билан таништиришда давом этамиз.
Браво ортга қайтмоқчи
Англиянинг “Манчестер Сити” клуби дарвозабони Клаудио Браво ёзда жамоани тарк этадиган бўлди.
Бу ҳақида бир нечта британия нашрлари маълум қилмоқда. Унга кўра, чилилик посбоннинг кейинги манзили “Кола Кола” жамоаси бўлади.
Эслатиб ўтамиз, “Манчестер Сити” айни дамда сифатли дарвозабон ишлашда давом этмоқда.
“Ливерпуль”дан ўзгача юриш
Таниқли АSнашри берган хабарларга қараганда, “Ливерпул” жамоаси ёзда бразилиялик иқтидорли футболчи Таллес Магно билан шартнома имзолаши мумкин.
Манба берган хабарларга қараганда, 17 ёшли футболчи билан бироз аввалроқ “Бенфика” клуби қизиқиш билдирган ва уни ўз сафига қўшиб олиш учун “Васко Да Гама”га 3 миллион евро таклиф қилган.
Эслатиб ўтамиз, корона-танаффус сабабли катта даромаддай айрилган клуб, Тимо Вернернинг ўрнини айнан Магно билан тўлдиришни режа қилган.
Погба ПСЖда?!
Англиянинг “Манчестер Юнайтед” жамоаси ярим ҳимоячиси Пол Погба ёзда Парижга кўчиб ўтиши мумкин.
Сoccerlinkнашри берган хабарларга қараганда, бу трансферни амалга ошириш учун Мино Райола аллақачон ишларни бошлаб юборган.
Манбанинг маълум қилишича, бугунги кунда “Ювентус” ҳам кризис сабабли Погба трансферидан воз кечгани боис, ПСЖдан бошқа клуб Пол учун кураш олиб бормаяпти.
“Ливерпуль”дан бомба?!
Англиянинг “Ливерпуль” жамоаси ёзда ўз сафига дунёнинг энг кучли ҳимоячиларидан яна бирини қўшиб олиши мумкин.
Daily Mirrorнашри берган хабарларга қараганда, “Наполи” ҳимоячиси Калиду Кулибали тез орада “Ливерпуль” футболчисига айланиши мумкин.
Манбанинг маълум қилишича, шахсан Юрген Клопп Виржил Ван Дейк билан тандемда Кулибали тўп суришини истамоқда.
Рабьо учун янги даъвогар
Туриннинг “Ювентус” жамоасида ишлари юришмаётган Адриен Рабьо тез орада АПЛга йўл олиши мумкин.
“Di Torino” нашри берган хабарларга қараганда, ярим ҳимоячи учун курашга эндиликда “Эвертон” ҳам қўшилган.
Аввалроқ франсиялик футболчининг ҳизматлари билан “Тоттенҳем” ва “Арсенал” жамоалари жиддий қизиқиш билдираётгани ҳақида маълумот бериб ўтган эдик.
