Италиянинг "Милан" клуби афсонавий ҳужумчиси, айни пайтда Украина терма жамоаси бош мураббийи Андрей Шевченко бир кун келиб албатта "Милан"га қайтишини айтиб ўтди.
«Ҳозир энг муҳими - мавсумни якунлаб олиш, - Андрей Шевченконинг сўзларидан иқтибос келтирмоқда Milannews.it. - Мавсумни яхши якунлаш учун ҳар бир футболчи бор кучини бериши керак. Шундан сўнг келажакда нима бўлишини ва "Милан"нинг келажаги қандай бўлишини билиб оламиз.
«Мен бир кун келиб "Милан" клуби бош мураббийи бўлишни хоҳлайман, - деди Шевченко. - "Милан" доим менинг юрагимда, маҳаллий мухлисларни жуда яхши кўраман. Бу воқеа қачон рўй беришини кўрамиз, лекин менинг мақсадим - "россонерлар" мураббийи бўлиш".
«Ҳозирча фақат Украина терма жамоаси ҳақида ўйлаяпман. Бутун эътиборимни терма жамоамизга қаратганман», - деди Шевченко.
