Англиянинг "Ливерпуль" клуби дарвозабони Лорис Кариус жамоага қайтганидан кейин асосий таркиб билан машғулотларда қатнаша олмаяпти. Айни пайтда дарвозабон фақат индивидуал ҳолда машғулотларни олиб бормоқда. Шу тариқа, германиялик дарвозабон кейинги мавсумда ўзига янги жамоа излайди.

Liverpool Echo порталининг тарқатган маълумотига қараганда, Кариусга АПЛнинг қолган ўйинлари учун рўйхатдан ўтишига рухсат берилмайди, шу сабабли, у ўз жамоадошлари билан умумий гуруҳда машғулот ўтказа олмайди.

Аввалроқ, Кариус ижара асосида ўйнаётган "Бешиктош" клуби билан шартномасини муддатдан олдин бекор қилганди.