«Уотфорд» матбуот хизмати клубнинг 3та вакили коронавирусга чалинганини тасдиқлади. Улардан бири ўйинчи бўлса, иккиси — ходимлар.
Беморларнинг илтимосига кўра уларнинг исмлари ошкор қилинмади. Улар энди 7 кунлик карантин муддатини ўташади.
Премьер-лига сешанба куни клублар сафидаги ўйинчилар ва ходимлар — жами 748 киши тест топшириб, улар орасида 6 кишида инфекция юқтиргани ҳақида маълумот тарқатилган эди.
Аввалроқ «Уотфорд» сардори Трой Дини касаллик юқтириб олишдан қўрқиб, машғулотларни бошламоқчи эмаслиги ҳақида баёнот берди.
АПЛнинг 2019/20 йилги мавсуми 13 июнь куни қайта бошланиши ҳақида маълумот берилганди.