Сербия чемпионатининг 27-туридан ўрин олган баҳсда "Црвена Звезда" "Рад" устидан 5:0 ҳисобида ғалаба қозонди.
Шу тариқа, клуб мавсум сўнггига 3та тур қолганда чемпионликни расмийлаштирди. Дастлаб Серибияда плей-офф босқичи режалаштирилган эди, бироқ коронавирус пандемияси туфайли бекор қилинди.
Белград клуби иккинчи ўриндаги "Партизан"дан 14 очкога илгарилаб кетди. Бу "Црвена Звезда" учун кетма-кет учинчи чемпионлик ҳисобланади.