Мадриднинг "Реал" клуби мухлисларсиз ҳам уй учрашувларини мавсумнинг охиригача «Сантьяго Бернабэу»да ўйнамайди.

Коронавирус пандемияси даврида юзага келган молиявий инқироз туфайли «Реал» клуби кейинги мавсумгача «Сантьяго Бернабеу»да ўйнамасликка қарор қилди. Ла Лиганинг жорий мавсумдаги қолган ўйинлари "Реал" клубининг ёшлари ўйнайдиган «Альфредо ди Стефано» стадионида бўлиб ўтади.

«Альфредо ди Стефано» стадони ўз бағрига 6000 мухлисни сиғдиради. "Реал" ушбу стадионда қўшимча реклама баннерлари, ёритгичлар, шунингдек, видеотакрор ускуналарини ўрнатиш учун шароитларни яхшиламоқчи.

«Биз «Альфредо Ди Стефано» номли стадионга кўчиб ўтишга қарор қилдик. Бу бизга маблағни тежашга ва «Бернабеу»ни тезроқ таъмирлашга замин яратади», — деди «Реал» клуби президенти Флорентино Перес.