«ПСЖ» сардори Тьяго Силва 2019/20 йилги мавсум сўнгида жамоани тарк этади.
"L’Équipe" тарқатган хабарга кўра, «ПСЖ» спорт директори Леонардо 35 ёшли футболчига унинг якунига етаётган шартномаси атиги 2 ойга узайтирилишини маълум қилан. Жамоа сардори фақат август ойидаги Чемпионлар лигасининг қолган қисмида иштирок этиши учун шундай йўл тутилади. Францияда миллий чемпионат муддатидан аввал бекор қилинган. Парижликлар Силвага 2020/21 йилги мавсум учун шартнома таклиф қилмайди.
Бразилиялик футболчи 2012 йилда 42 млн евро эвазига «Милан»дан «ПСЖ»га ўтган. Франциялик таркибида у 7 марта мамлакат чемпиони, 4 марта Франция кубоги, 5 марта Лига кубоги ва 5 марта мамлакат суперкубоги совринларини қўлга киритган.