Кириш Регистрация

Трансфер оламидаги янгиликлар

Баҳо:
+ | -

Ушбу рукнимиздаги энг сўнгги янгиликлар билан таништиришда давом этамиз.

 

Онана “трендда”!

Голландиянинг “Аякс” клуби дарвозабони Андре Онана ёзда гранд жамоалардан бири сафига бориб қўшилиши мумкин.

Бу ҳақида “TalkSport” нашри маълум қилмоқда. Манбада ёзилишича, Лондоннинг “Челси” клуби киппер учун 27 миллион фунт стерлинг тўлашга тайёр. Шунга қарамай, эндиликда ПСЖ ҳам дарвозабон учун курашга қўшилди.

Эслатиб ўтамиз, Онана фаолиятида олдинга қадам ташлаш вақти келганини расман эълон қилди ва бошқа жамоага ўтишга тайёр.

Зума “Ла Лига”да?!

Лондоннинг “Челси” жамоаси ҳимоячиси Курт Зума ёзда Испанияга кўчиб ўтиши мумкин.

“DiarioSport” нашрининг маълум қилишича, ҳимоячининг ҳизматлари билан “Валенсия” клуби жиддий қизиқиб қолган ва трансфер учун 17 миллион евро ажратишни режа қилмоқда.

Манбанинг маълум қилишича, Лондон клуби ҳимоячини 20 миллион евродан камига қўйиб юбормоқчи эмас.

Шунингдек “Эвертон” ва “Тоттенҳэм” жамоалари ҳам Зума билан шартнома имзолаш истагида.

“Барса” футболчисидан кутилмаган қарор

Каталониянинг “Барселона” клубига тегишли бўлган Карлос Аленя АПЛ жамоасидан тушган такифни рад этди.

Айни дамда “Бетис” шарафини ҳимоя қилаётган футболчи билан бир нечта АПЛ клублари жиддий қизиқиб қолганига қарамай, Аленя “туманли албион”га кўчиб ўтишни истамади.

“Soccer” нашрининг маълум қилишича, 22 ёшли футболчи Испанияда қолиш орқали 2021-йилда “Барселона”нинг асосий таркибига киришни режалаштирмоқда.

Упамекано 60 миллион?!

Лондоннинг “Арсенал” жамоаси ёзда “РБ Лейпциг” жамаоси ҳимоячиси Даёт Упамекано билан шартнома имзолаши мумкин.

"Bild" нашрининг маълум қилишича, “кононирлар” иқтидорли футболчи учун 60 миллиондан воз кечишга тайёр. Ҳозирча, немис клуби расман бу таклифга жавоб берганича йўқ.

Эслатиб ўтамиз, Даёт билан шунингдек “Реал Мадрид”, “Бавария” ва “Милан” жамоалари ҳам шартнома имзолаш истагида.

“Тулкилар”га қария керак!

Англиянинг “Лестер” жамоаси қанот ҳимоясини кучайтириш мақсадида “Соутгемптон” футболчиси Раян Бертран билан шартнома имзолашни режа қилмоқда.

“The Times”нинг маълум қилишча, клуб ёзда жамоани тарк этиши кутилаётган Бен Чилуэлнинг ўрнини 30 ёшли футболчи билан тўлдирмоқчи.

Фаолиятининг катта қисмини ижарада ўтказган футболчининг ўзи “Лестер” шарафини ҳимоя қилишга қарши эмас, бироқ “тулкилар” Беннинг ўрнини босишга қодир бошқа вариантларни ҳам кўриб чиқмоқда.

Манба: Stadion.uz
Киритилди: 01:31, 12.06.2020.
Ўқилди: 10231 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.