Суперлиганинг 4-туридан ўрин олган "Насаф" ҳамда "Навбаҳор" жамоалари ўртасидаги ўйиндан сўнг "лочинлар" ярим ҳимоячиси Ислом Рашидхонов ўз фикрлари билан ўртоқлашди.
"Узоқ танаффусдан сўнг аввалги формага кириб олиш учун 2-3та ўйин керак бўлади. Ҳозирча барча жамоаларни ҳолати бир хил. Муҳими Суперлиганинг қайтганидан жуда ҳам хурсандман.
Мухлисларнинг йўқлиги ҳамма жамоалардан кўра кўпроқ бизга таъсир қилса керак, сабаби ўзиз биласиз бизнинг мухлислар ҳақиқий 12-ўйинчимиз. Биз уларни экран ортидан мухлислик қилишаётганини сезиб турибмиз. Тез орада уларни яна стадионларда кўрамиз"
Собиқ жамоасига қарши ўйин ҳақида
"Тўғрисини айтаман, жуда ҳам ҳаяжонландим. Сабаби "Насаф"да танилиб, шу жамоада тарбия топганман. "Насаф" тўп назорати бўйича Ўзбекистондаги энг яхши клублардан бири ҳисобланади. Улар исталган жамоани мағлуб этишга қодир. Шу сабабли дурангдан қониқдик десам ҳам бўлади. Агар сўнгги дақиқаларда диққатни йўқотмаганимизда балки сафардан 3 очко билан қайтаётган бўлардик. Аммо 1 очко ҳам ёмон эмас, чунки рақиб "Насаф", -дейди футболчи сайтимиз учун берган интервьюсида.
