Coca Cola Суперлиганинг 5-туридан ўрин олган «Пахтакор» - «Бунёдкор» (5:0) учрашувидан кейин ўтказилган матбуот анжуманинг биринчи қисмида мезбонлар устози Шота Арвеладзе иштирок этди.
- Жиззахдаги ўйин билан таққослаганда бугун кўпроқ футбол ўйнадик. Бу «Бунёдкор»ни футбол ўйнашни хуш кўрадиган жамоа эканлигидан далолат. Аслида ёмон ўйнайсанми яхшими, футбол ўйнашга ҳаракат қилиш керак. Бугунги ғалаба ўтган турдаги мағлубиятдан кейин жуда керак эди. Илк дақиқада гол урдик. 1:0 ҳисоби вақтида дарвозабонимиз бизни қутқарди. Олдинги мағлубиятдан кейин яхши ўйнадик.
