Андижон вилоят ҳокими Иброҳим Отахоновни уй билан тақдирлади.
Футболчилик фаолиятининг асосий қисмини "Андижон" футболига бағишлаган Иброҳим Отахонов вилояти ҳокими, "Андижон" ПФК президенти Шуҳратбек Қўшақбоевич Абдураҳмонов томонидан Андижон шаҳрида яқинда фойдаланишга топширилган 16 қаватли уйдан 2 хоналик хонадон совға қилди.
“Аввалбор, Шуҳратбек Қўшақбоевич Абдураҳмонов камтарона меҳнатларимиз юксак қадрлагани учун ўз миннатдорчилигимни билдираман. Барча қулайликларга эга бўлган замонавий кўп қаватли уй билан тақдирлангани сабабли, оила-аъзоларимиз номидан вилоятимиз ҳокимига каттакон раҳмат айтаман. Оила-аъзоларимнинг қувончларини сўз билан таърифлаш қийин. Шуҳратбек Қўшақбоевичнинг саъйи-ҳаракатлари сабабли, вилоятимиз кундан-кунга чирой очиб бормоқда, шу муносабат билан Андижон вилояти мамлкатимизда барча соҳаларда олдинга қаторларда юришини тилаб қоламан!
16 йил “Андижон” футбол клубида тўп сурдим, шу вақт мобайнида ўзимга яраши ҳурмат, эътибор ва мухлислар ортирдим. Шу фурсатдан фойдаланиб, “Андижон” жамоасининг барча аъзоларига, мен билан бирга тўп сурган футболчиларга, клуб раҳбари Маъруфжон Абдисаломовга, мен ишлаган барча мураббийларга, клубнинг барча ходимлари ва “Андижон” футбол клубининг минглаб мухлисларига ўз миннатдорчилигимни билдираман”-деди Отахонов.