Andijon viloyat hokimi Ibrohim Otaxonovni uy bilan taqdirladi.
Futbolchilik faoliyatining asosiy qismini "Andijon" futboliga bag‘ishlagan Ibrohim Otaxonov viloyati hokimi, "Andijon" PFK prezidenti Shuhratbek Qo‘shaqboyevich Abdurahmonov tomonidan Andijon shahrida yaqinda foydalanishga topshirilgan 16 qavatli uydan 2 xonalik xonadon sovg‘a qildi.
“Avvalbor, Shuhratbek Qo‘shaqboyevich Abdurahmonov kamtarona mehnatlarimiz yuksak qadrlagani uchun o‘z minnatdorchiligimni bildiraman. Barcha qulayliklarga ega bo‘lgan zamonaviy ko‘p qavatli uy bilan taqdirlangani sababli, oila-a’zolarimiz nomidan viloyatimiz hokimiga kattakon rahmat aytaman. Oila-a’zolarimning quvonchlarini so‘z bilan ta’riflash qiyin. Shuhratbek Qo‘shaqboyevichning sa’yi-harakatlari sababli, viloyatimiz kundan-kunga chiroy ochib bormoqda, shu munosabat bilan Andijon viloyati mamlkatimizda barcha sohalarda oldinga qatorlarda yurishini tilab qolaman!
16 yil “Andijon” futbol klubida to‘p surdim, shu vaqt mobaynida o‘zimga yarashi hurmat, e’tibor va muxlislar ortirdim. Shu fursatdan foydalanib, “Andijon” jamoasining barcha a’zolariga, men bilan birga to‘p surgan futbolchilarga, klub rahbari Ma’rufjon Abdisalomovga, men ishlagan barcha murabbiylarga, klubning barcha xodimlari va “Andijon” futbol klubining minglab muxlislariga o‘z minnatdorchiligimni bildiraman”-dedi Otaxonov.
