«Bavariya»ning sobiq hujumchisi Tomas Myuller «Barselona»ning so‘nggi transferi borasida o‘z fikrini bildirdi. Kataloniyaliklar «Nyukasl» vingeri Entoni Gordonni 80 million yevro evaziga o‘z safiga qo‘shib oldi, vaholanki futbolchi uchun Myullerning sobiq klubi ham da’vogarlik qilgandi.

Myuller o‘yinchining tanlovidan hayratda ekanini yashirmadi. «Gordonning Myunxenga o‘tmasligiga nima sabab bo‘ldi? Men Xansi Flikni juda yaxshi bilaman. Uning qo‘l ostida o‘ynash — ham yetakchilik qobiliyati, ham o‘yin uslubi nuqtai nazaridan bir maromdagi zavq. Shunga qaramay, men «Bavariya»ni tanlagan bo‘lardim», — deya Myullerning so‘zlaridan iqtibos keltiradi Bild.

25 yoshli Gordon yangi jamoasi bilan 5 yillik shartnoma imzoladi.