«Вердер» ҳужумчиси Клаудио Писарро 41 ёшида футболчилик фаолиятини якунлади.

Ўтган йилнинг ёзида перулик футболчи 2019/20 йилги мавсум сўнгида футболдан кетишини эълон қилган эди. Душанба куни эса бременликлар мавсумдаги сўнгги учрашувни ўтказиб, Бундеслигада жон сақлаб қолган эди.

Писарро фаолияти давомида «Вердер»дан ташқари «Депортиво Пескеро», «Альянса Лима», «Баварию», «Челси» ва «Кёльн» клублари шарафини ҳимоя қилган.

Писарро Бундеслига легионерлари тўпурарлари рўйхатида 2-ўринни эгаллаб турибди (197та гол). У Перу терма жамоаси сафида 85та ўйинда майдонга тушиб, 20та гол урган.