"Marca" нашри «Реал» сўнгги 4 йилда ўз тарбияланувчиларини сотиш орқали қанча даромад топгани маълум бўлди.

"Қироллик клуби" томонидан сотилган футболчилар орасида Альваро Мората, Маркос Льоренте, Хесе, Рауль де Томас, Ашраф Ҳакимий каби йирик трансферлар бор.

Мората — «Реал»нинг энг қиммат тарбияланувчиси. 2017 йилда у «Челси»га 66 миллион еврога сотилган. Ҳакимий эса бир ҳафта илгари «Интер» 40+5 миллион еврога трансфер қилинди.

Льоренте ўтган йилнинг ёзида «Атлетико»га сафига 30 миллион евро эвазига ўтди. "Реал" 2016 йилда Хесени «ПСЖ»га 25 миллион еврога сотган эди. «Бенфика» 2019 йилда Рауль де Томас учун 20+2 миллион евро тўлаган.

Бундан ташқари, ярим ҳимоячи Денис Черишев 7 миллион евро эвазига «Валенсия»га ўтган бўлса, ҳужумчи Мариано Диас «Лион»га 8 миллион еврога сотилган. Ҳимоячилар Диего Льоренте ва Омар Маскарель «Реал Сосьедад» ва «Шальке»га мос равишда 7 ва 10 миллион еврога трансфер қилинган.

Шу тариқа, «Реал» сўнгги 4 йил ичида ўз тарбияланувчилари савдосидан 246 миллион евро миқдорида даромад олган.