Англия чемпионатининг 34-туридан ўрин олган сўнгги учрашув якунига етди. "Манчестер Юнайтед" сафарда "Астон Вилла" клуби меҳмони бўлиб, йирик ҳисобда ғалабани тантана қилди.

Баҳснинг 27-дақиқасида белгиланган пенальтини Бруну Фернандеш аниқ амалга ошириб, ҳисобни очишга муваффақ бўлди. Биринчи бўлим тугаш арафасида эса Мэйсон Гринвуд ҳисобдаги фарқни 2тага оширди.

Иккинчи бўлимда Поль Погба ҳам рақиб дарвозасига йўл топиб, жорий мавсумдаги илк голига муаллифлик қилди.

Ушбу ғалаба туфайли "МЮ" ўз очколарини 58тага етказиб олди. Сульшер жамоаси энди 4-ўриндаги "Лестер"дан бор-йўғи 1 очко ортда қолмоқда.

Англия чемпионати, 34-тур
Астон Вилла – Манчестер Юнайтед 0:3 (0:2, 0:1)
Голлар: 0:1 – 27, пенальти Бруну Фернандеш, 0:2 – 45 Гринвуд, 0:3 – 58 Погба.
Астон Вилла – Рейна, Конса, Хоз, Мингз, Тэйлор, Эль-Гази (Хурихэйн, 58), Дуглас Луис (Василев, 84), Макгинн (Накамба, 59), Трезеге, Грилиш, Саматта (Дэвис, 59).
Манчестер Юнайтед – Де Хеа, Уан-Биссака (Уильямс, 66), Линделеф, Магуайр, Шоу, Погба, Матич (Мактомини, 66), Гринвуд (Джеймс, 79), Бруну Фернандеш (Фред, 71), Рэшфорд, Марсьяль (Игало, 79).
Огоҳлантиришлар: Уан-Биссака (40), Матич (45), Конса (52), Накамба (81), Фред (87).