Ўзбекистонлик ярим ҳимоячи Жасур Жалолиддиновнинг агенти саналмиш россиялик мутахассис Юрий Белоус "Матч ТВ" телеканалига интервью бериб, футболчининг "Бунёдкор"дан "Локомотив"га ўтаётганини тасдиқлади.
"Чинданам, "Локомотив" ва "Бунёдкор" клублари трансфер борасида келишувга эришишди. Бу футболчи ўз тенгқурлари орасидаги 18 ёшли энг иқтидорли футболчи саналади. У Осиёнинг 5 нафар энг яхши ёш футболчилари сафидан жой олган. The Guardian таҳлилчиларига кўра у ўз ёши тоифасидаги жаҳоннинг энг яхши 60 нафар футболчисидан бири. Уни жуда яхши футболчи, дея оламан.
Фикримча, бу футболчи Жоао Мариодан ҳам кучлироқ ўйинчи бўлади. Аминманки, Жасур "Локомотив"нинг яқин йиллардаги ўйинини белгилаб берадиган ўйинчи бўлиб етишади", -деди Белоус.
