«Аталанта» клуби «Ювентус» томонидан Дуван Сапатанинг трансфери борасида берилган таклифга рад жавобини берди.
"Calciomercato" тарқатган хабарга кўра, «Ювентус» бир неча кун аввал футболчи учун 30 млн евро ва дарвозабон Маттиа Перинни таклиф қилган эди. Аммо ушбу таклиф бергамоликларга маъқул келмади. «Аталанта» 29 ёшли колумбиялик футболчини 50 млн еврога сотишмоқчи.
Сапата 2018 йилнинг ёзида «Сампдория»дан «Аталанта»га ўтган эди. У жорий мавсумда барча мусобақалар доирасида 28та ўйинда майдонга тушиб, 18та гол урди ва 7та голга пас берди.