Ушбу рукнимиздаги энг сўнгги янгиликлар билан таништиришда давом этамиз.
Вертонген нишонда
Aнглиянинг “Тоттенҳем” жамоаси собиқ футболчиси Ян Вертонген “A Серия”га ўтишга яқин турибди.
TMW нашрининг маълум қилишича, белгиялик футболчининг ҳизматларига бир йўл 4 та клуб жиддий қизиқиб қолган.
Манбанинг маълум қилишича, “Фиорентина”, “Рома”, “Интер” ва “Наполи” клублари аллақачон расмий таклиф билан чиқишган.
ПСЖ таклиф юборади
Aнглиянинг “Тоттенҳем” жамоаси таянч ярим ҳимоячиси Танги Ндомбеле Парижга кўчиб ўтиши мумкин.
ESPN нашрининг маълум қилишича, “шпорлар” бир мавсум илгари 65 миллион еврога сотиб олган футболчисини 60 миллион еврога сотиб юборишга тайёр.
Манбанинг маълум қилишича, Ндомбеле борасида аллақачон трансфер музокаралари бошлаб юборилган.
Мэддисон қолади
Aнглиянинг “Лестер” жамоаси ярим ҳимоячиси Жеймс Мэддисон тез орада жамоа билан ўртадаги шартномани узайтиради.
"Goal" нашрининг маълум қилишича, унинг “Манчестер Юнайтед”га ўтиши борасидаги барча миш-мишлар яқин кунларда бекор бўлади.
Манбанинг маълум қилишича, “Лестер” ярим ҳимоячининг маошини кескин кўтариш орқали уни жамоада олиб қолмоқда.
Миранчук “Милан”да?!
Италиянинг “Милан” клуби “Локомитив” ярим ҳимоячиси Aликсей Миранчук билан шартнома имзлаш арафасида турибди.
Джанлуки Ди Марцио берган маълумотларга қараганда, “россонерилар” Миранчукнинг трансферига Рикардо Родригесни қўшиб бериш орқали трансфер суммасини камайтирмоқчи.
Манбанинг маълум қилишича, “Милан” “Локомотив”га шунингдек Лаксалтни ҳам тавсия этмоқда. “Россонерилар” қандай қилиб бўлсада, Миранчукни ўз сафига қўшиб олмоқчи.
“Барса” уни трансферга қўйди
Каталониянинг “Барселона” жамоаси Иван Ракитични расман трансферга қўйди.
“Mundo Deportivo"нинг маълум қилишич, хорватиялик футболчи ЕЧЛ баҳслари ўз якунигаетгач, янги жамоаси сафига бориб қўшилади.
Манбанинг маълум қилишича, Каталония клуби Ракитични тезроқ сотиб юбориш мақсадида уни 10 миллион евро эвазига қўйиб юборишга тайёр.
