Лондоннинг "Арсенал" клуби ҳам "Сассуоло"нинг ҳужумкор ярим ҳимоячиси Жереми Бога учун курашга қўшилди. "Канонирлар" футболчининг трансфери борасида "Сассуоло" раҳбарияти билан музокараларни бошлаб юборган.
Италия матбуотининг хабарига кўра, "Сассуоло" футболчисини баланд нархга баҳоламоқда. Жамоа Бога трансферидан камида 40 миллион евро ишлаб олмоқчи.
Эслатиб ўтамиз, Жереми "Челси" тарбияланувчиси ҳисобланади. Ҳавбек "Сассуоло" сафида 2018 йилдан буён ҳаракат қилиб келмоқда. Жорий мавсум Бога "А" Серияда 11та гол урди ва 4та голга ассистентлик қилди.
