Мадриднинг «Реал» клуби ҳужумкор ярим ҳимоячиси Хамес Родригес Зинедин Зидан бошчилигидаги жамоа сафида бошқа майдонга тушмайди дея хабар тарқатмоқда AS.
Манбанинг ёзишича, «Реал Сосьедад» клубига қарши учрашув Хамес учун сўнггиси бўлди.
Футболчининг агенти Жорже Мендеш бир нечта клублар билан музокара олиб бормоқда. Аввалроқ португалиялик агент колумбиялик футболчини «ПСЖ» клубига тавсия қилганди.
Шунингдек, Хамесга «Эвертон», «Арсенал» ва «Атлетико» клублари қизиқиш билдираётганди. Лекин, ҳали Родригес борасида расмий таклиф тушгани йўқ.
«Реал» 2021 йилгача амалдаги шартномаси бўлган Хамесни сотишга қарор қилган.