Европа чемпионлар лигасининг жорий мавсумида ярим финал босқичига Франция («ПСЖ», «Лион») ва Германия («Бавария», «РБ Лейпциг»)нинг 2тадан клублари етиб келишди.

Шу тариқа, 1996 йилдан бери илк марта мусобақанинг ярим финал босқичида Англия ва Испания жамоаларисиз ўтади.

Мавсум-1995/96да ярим финалда «Ювентус» (Италия) — «Нант» (Франция), «Аякс» (Голландия) — «Панатинаикос» (Греция) тўқнашувлари бўлиб ўтган эди. Ўшанда финалга «Ювентус» ва «Аякс» клублари чиқиб, пенальтилар сериясида туринликлар ғалаба қозонишган эди.

Ўшандан буён ЕЧЛнинг ярим финалида Англия ёки Испаниянинг камида битта клуб иштирок этиб келаётган эди.