Ушбу рукнимиздаги энг сўнгги янгиликлар билан таништиришда давом этамиз.
Суарес кетади!
Таниқли “Mundo Deportivo”нинг маълум қилишича, “Барселона” Луис Суаресни сотиб юборишга қарор қилган.
“Бавария”дан қабул қилинган мағлубиятдан сўнг, “Барселона” таркибни қайта шакиллантириш мақсадида биринчи қадамни шу йўсинда ташламоқчи.
Манбанинг маълум қилишича, 33 ёшли футболчининг трансфери ортидан “Барса” катта миқдорда пул ишлаболишни режа қилган.
Маълумотларга қараганда, Луис билан “Ривер Плейт” ва “Интер” жамоалари жиддий қизиқиб қолган.
“Брайтон” ҳимоячиси нишонда
Aнглиянинг “Брайтон” клуби марказий ҳимоячиси Льюис Данк янги мавсумни гранд жамоалардан бирида бошлаши мумкин.
Инглиз нашрларининг маълум қилишича, Данк учун асосий фоворит “Тоттенҳем” ва “Челси” клублари бўлиб турибди.
Манбанинг маълум қилишича, “Брайтон” ўз сардорини 40 миллиондан камига қўйиб юбормоқчи эмас.
“Барселона” таркибни “тозаламоқчи”
Европа чемпионлар лигасидаги аламли мағлубиятдан сўнг, Каталония клуби таркибидаги футболчиларнинг бир нечтаси билан хайрлашишга қаро қилди.
“Mundo Deportivo” нашрининг маълум қилишича, жамоада Месси, Де Йонг, Тер Штеген ва Фатидан бошқа барча футболчилар борасида клуб таклифларни кўриб чиқишга тайёр.
Манбанинг маълум қилишича, Усман Дембеле, Умтити, Пике, Иван Ракитич, Aртуро Видал, Aнтуан Гризман, Жорди Aлба, Самеду ва Серҳио Робертолар катта эҳтимол билан трансферга қўйилади.
Оз қолди…
Aнглиянинг “Ливерпуль” жамоаси “Бавария” ярим ҳимоячис Тиаго Aлкантара трансферини эълон қилишига тобора оз фурсат қолмоқда.
“RMS Sport”нинг маълум қилишича, Тиаго аллақчон “Ливерпуль” билан шахсий шартнома борасида келишувга эришган ва янги жамоаси билан 4 йиллик шартнома имзолайди.
Бундан ташқари, у “қизиллар”нинг энг катта маош олувчи учта футболчисидан бирига айланиши кутилмоқда.
Манбада маълум қилинишича, ушбу трансфер ҳақидаги расмий маълумот ЕЧЛ якунлангач эълон қилинади.
“Лестер” йнги киппер изламоқда
Aнглиянинг “Лестер” жамоаси дарвозабони Каспер Шмейҳел бошқа жамоага ўтиши мумкинлиги ҳақида аввалроқ хабар берган эдик.
“Челси” ва “Манчестер Юнайтед” нишонида турган даниялик дарвозабоннинг ўрнини “тулкилар” ПСЖ киппери Серҳио Рико билан тўлдиришни режа қилган.
“The Sun” нашри берган маълумотларга кўра, якунланган мавсумни “Фулҳем”да ижара асосида ўтказган дарвозабон билан аллақачон контакт ўрнатилган ва у Каспер кетиши билан жамоага жалб этилади.
Вернернинг ўрнини ким эгаллайди?
Германиянинг “Лейпциг” клуби Тимо Вернернинг ўрнини тўлдиришга қодир янги ҳужумчи излашда давом этмоқда.
“Bild” нашрининг маълум қилишича, жамоа нишонида Туркия чемпионати тўпурари Aлександер Серлот турибди.
“Трабзонспорт” жамоаси ҳужумчиси бу мавсумда 34 та ўйинда 24 та гол киритди ва барчанинг эътиборига тушди.
Эслатиб ўтамиз, ҳужумчининг трансфер ҳуқуқи “Кристалл Пэлас” жамоасига тегишли бўлиб, жамоа уни 30 миллиондан камига қўйиб юбормоқчи эмас.
