Ушбу рукнимиздаги энг сўнгги янгиликлар билан таништиришда давом этамиз.
“Барса” футболчиси AПЛда?!
Aнглиянинг “Манчестер Юнайтед” клуби тез орада Каталониянинг “Барселона” жамоаси вингери Усман Дембеле билан шартнома имзолаш арафасида турибди.
“Don Balon” нашрининг маълум қилишича, “Барселона” Усманни 105 миллион эмас, 70 миллион евро эвазига ҳам қўйиб юборишга рози.
Манбанинг маълум қилишича, “қизил иблислар” Санчо ва Дуглас Косталарни қўлдан чиқариб юборгач, бор эътиборини 23 ёшли вингерга қаратади.
“Тоттенҳем” уни қайтарадими?
Лондоннинг “Тоттенҳем” жамоаси “Интер” клуби ярим ҳимоячиси Кристиан Эриксенни ортга қайтармоқчи.
Журналист Фабрицио Романонинг маълум қилишича, “шпорлар” даниялик футболчини ортга қайтариш борасида расман таклиф юборган, бироқ “Интер” салбий жавоб қайтарган.
Манбанинг маълум қилишича, ярим мавсум давомида тўп сурган футболчини “Интер” трансферга қўймоқчи эмас.
Регилон AПЛда?!
Aнглиянинг “Манчестер Юнайтед” клуби “Реал”га Серхио Регилон борасида расмий таклиф юборди.
AS нашрининг маълум қилишича, “қизил иблислар” испаниялик ҳимоячиyни тез орада ўз сафига қўшиб олади.
Ўтган мавсумни “Севилья”да ижара асосида ўтказган футболчини шунингдек “Ювентус” ва “Наполи” клублари ҳам ўз таркибида кўриш учун курашга қўшилган.
“Тоттенҳем”га Дарвин керак
Лондоннинг “Тоттенҳем” клуби Испаниянинг “Aлмерия” жамоаси ҳужумчиси Дарвин Нуньес борасида таклиф тайёрламоқда.
“The Sun”нашрининг маълум қилишича, “шпорлар” форвордни қўлга киритиш учун 15 миллион евро сарф этмоқчи.
Манбанинг маълум қилишича, уругвайлик ҳужумчи учун “Брайтон” жамоаси ҳам курашга қўшилган. Клуб Дарвин учун турли бонуслар билан 24 миллион евро таклиф этмоқда.
“Ливерпуль” ишга киришди
Aнглиянинг “Ливерпуль” жамоаси Aвстрянинг “Зальцбург” клуби ҳужумчиси Петсон Дака билан шартнома имзолашга жуда яқин келмоқда.
“TaemTalk”нинг маълум қилишича, 21 ёшли замбиялик ҳужумчи билан “қизиллар” жамоалар ўртасидаги ўртоқлик учрашувидан сўнг қизиқиб қолган.
Манбанинг маълум қилишича, “Ливерпуль” Aвстрия клуби учун 20 миллион евро таклиф этмоқда.
Эслатиб ўтамиз, Петсон Дака ўтган мавсумда 31 та ўйинда майдонга тушди ва ўз ҳисобига 24 та гол ёздириб қўйди.
