Германия терма жамоаси бош мураббийи Йоахим Лёв Франциянинг "ПСЖ" ярим ҳимоячиси Юлиан Дракслерга клубни тарк этиш кераклигини маслаҳат берди.
"Мен у билан узоқ гаплашдим, бир қатор масалаларда маслаҳатлашдик. Агар у ўз клуби таркибида мунтазам равишда майдонга тушганида, у ҳолда терма жамоанинг асосий таркибидан жой оларди. Бироқ, ПСЖ уни қўйиб юборадими, ёки йўқми, бу номаълум. Юлиан ҳар хафта майдонга тушиши шарт", - деди Лёв TMW билан суҳбатда.