Испаниянинг "Валенсия" клуби бош мураббийи Хави Грасия трансфер ойнаси ёпилгунига қадар тезлик билан ўз сафини янги футболчилар билан бойитиб олмоқчи.
Plaza Deportivo тарқатган маълумотга қараганда, "кўршапалаклар"нинг шорт-листида "Альбасете" клубининг украиналик ҳужумчиси Роман Зозуля ҳам бор.
Украиналик футболчидан ташқари, "Валенсия" таркибида Кевин-Принс Боатенг, Дэниел Старридж ва яна бир қатор футболчилар ҳам пайдо бўлиб қолишлари мумкин.
30 ёшли Зозуля "Альбасете" сафида 2017 йилдан бери ўйнаб келмоқда. У 106 та учрашувда майдонга тушиб, 24 та гол киритди ва 10 та голга ассистентлик қилди. Унинг трансфер нархи 725 минг евро атрофида баҳоланмоқда.
