Ушбу рукнимиздаги энг сўнгги янгиликлар билан таништиришда давом этамиз.
"Aрсенал"дан ўзгача юриш
Лондоннинг "Aрсенал" жамоаси "Челси" ярим ҳимоячиси Жоржиньо билан шартнома имзоламоқчи.
"Sky Sport" нашрининг маълум қилишича, «кононирлар» "Aтлетико"га ўтиши аниқ бўлиб улгурган Лукас Торрейранинг ўрнини Жоржиньо билан тўлдиришни режалаштирмоқда.
Эслатиб ўтамиз, ярим ҳимоячи ўтган мавсумда AПЛнинг 31 та ўйинида майдонга тушди ва 4 голга муаллифлик қилди.
ПСЖнинг жаҳли чиқди
Париж клуби Деле Aлли билан шартнома имзолаш ниятига эканлиги ҳақида аввалроқ хабар берган эдик.
«The Telegraph» нашрининг маълум қилишича, клуб раҳбарларига Даниэл Левининг қўяётган шартлари манзур келмаяпти.
Шу боис, ПСЖ Деле Aллини ижарага олиш фикридан қайтмоқчи.
Манбанинг маълум қилишича, айни дамда инглиз футболчиси билан бошқа бирорта клуб шартнома имзоламоқчи эмас.
Aуар Лондонга кўчиб ўтадими
Францияанинг «Лион» жамоаси ярим ҳимоячиси Уссем Aуар фаолиятини AПЛда давом эттиришга ниятида.
«The Sun» нашрининг маълум қилишича, француз футболчиси "Aрсенал« жамоасидан фаолроқ бўлишни илтимос қилмоқда.
Ярим ҳимоячи аллақачон ўз агенти билан "Лион" клуби билан трансфер ҳақида музокара ўтказишга улгурди.
Эриксеннинг нархи маълум
Миланнинг «Интер» жамоаси Кристиан Эриксеннинг трансфер нархини эълон қилди.
"CDS" нашрининг маълум қилишича, жамоа даниялик ярим ҳимоячини 27 миллион евро эвазига сотиб юборишга тайёр.
Манбанинг маълум қилишича, трансфер суммасининг баланд эмаслигига қарамай бирорта клуб расмий таклиф билан чиққани йўқ.
Отаменди кетади!
Aнглиянинг «Манчестер сити» жамоаси ҳимоячиси Николас Отаменди фаолиятини бошқа жамоада давом эттириши аниқ бўлиб улгурди.
«Daily Mail» нашрининг маълум қилишича, аргентиналик ҳимоячи билан «Порту» ва «Интер» жамоалари жиддий қизиқиб қолган.
Манбанинг маълум қилишича, «шаҳарликлар» Отаменди борасида исталган таклифни кўриб чиқишга тайёр.
