«Атлетико» бош мураббийи Диего Симеоне жамоанинг янги ҳужумчиси Луис Саареснинг дебюти ҳақида ўз фикрини билдириб ўтди. Эслатиб ўтамиз, уругвайлик футболчи «Гранада»га қарши ўйинда (6:1) захирадан майдонга тушиб, 2та гол урди ва битта голга узатма берди.

«Шахсан мен учун унинг 2та гол ургани ҳайрон қоларли нарса эмас. Унинг узатмалари, ҳаракатлари ва югуришлари — ажойиб. Суарес нима кераклигини, жамоа учун қандай ўйнаш лозимлигини билади.

Етакчи ўйинчининг келиши ҳамиша жамоа ўйинини кучайтиради. Аммо жамоа шундоқ яхши ҳаракат қилди. Энди ҳар доимгидек ўйиндан ўйингача ҳаракатланамиз0. Суареснинг келиши яхши рақобатни юзага келтиради. Буни 23 футболчи қабул қилса, ишончим комил, рақобатбардош жамоага айланамиз», — деди Симеоне.

Эслатиб ўтамиз, Суарес «матрасчилар» билан 2 йиллик шартнома имзолади.