«Atletiko» bosh murabbiyi Diyego Simeone jamoaning yangi hujumchisi Luis Saaresning debyuti haqida o‘z fikrini bildirib o‘tdi. Eslatib o‘tamiz, urugvaylik futbolchi «Granada»ga qarshi o‘yinda (6:1) zaxiradan maydonga tushib, 2ta gol urdi va bitta golga uzatma berdi.

«Shaxsan men uchun uning 2ta gol urgani hayron qolarli narsa emas. Uning uzatmalari, harakatlari va yugurishlari — ajoyib. Suares nima kerakligini, jamoa uchun qanday o‘ynash lozimligini biladi.

Yetakchi o‘yinchining kelishi hamisha jamoa o‘yinini kuchaytiradi. Ammo jamoa shundoq yaxshi harakat qildi. Endi har doimgidek o‘yindan o‘yingacha harakatlanamiz0. Suaresning kelishi yaxshi raqobatni yuzaga keltiradi. Buni 23 futbolchi qabul qilsa, ishonchim komil, raqobatbardosh jamoaga aylanamiz», — dedi Simeone.

Eslatib o‘tamiz, Suares «matraschilar» bilan 2 yillik shartnoma imzoladi.