"Бавария" ҳужумчиси Томас Мюллер Германия футболида рекорд ўрнатди.
31 ёшли футболчи Германия суперкубогини қўлга киритгач, мамлакат тарихидаги энг совриндор ўйинчига айланди. Энди Мюллер ҳисобидаги совринлар сони 27тага етди. Шу пайтгача рекорд Бастиан Швайнштайгерга тегишли эди — 26та соврин.
Томас "Бавария" тарбияланувчиси ҳисобланади ва бутун фаолиятини ушбу жамоа сафида ўтказган. Шу пайтгача ҳужумчи Бундеслигада 9та, Германия кубогида 6та, Германия суперкубогида 6та, ЕЧЛда 2та, УЕФА суперкубогида 2та, клублар ўртасидаги ЖЧ ва ЖЧ-2014да бир мартадан ғолибликни қўлга киритган.
