Шу йилнинг август ойи ўрталарида БАА ҳукумати Исроил билан дипломатик алоқалар ўрнатди ва яҳудий давлатини тан олган учинчи араб давлатига (Миср ва Иордания давлатларидан кейин) айланди.
Сентябрь ойида Дубайнинг Ал-Наср клуби исроиллик Диа Сабо билан шартнома имзолади. Тўғри, Диа Муҳаммад Сабанинг миллати араб ва у мусулмон ҳисобланади, бироқ, Исроил фуқароси саналади ва мамлакат миллий терма жамоаси сафида ўйнайди.
20 йиллар аввал учинчи давлат фуқароларининг паспортида Исроил давлатида бўлганлиги ҳақида белги бўлса, Бирланган Араб Амирликларига (шунингдек, бошқа араб давлатларига) кира олмаганлар. Бундай воқеа собиқ ҳужумчиларимиз - Игорь Шквырин ва Максим Шацкихлар билан ҳам содир бўлган.
2020 йил ҳақиқатдан ҳам бошқача кечмоқда.
