Трансфер оламидаги янгиликлар

Ушбу рукнимиздаги энг сўнгги янгиликлар билан таништиришда давом этамиз.

Теллас AПЛда?!

Португалиянинг “Порту” клуби ҳимоячиси Aлекс Теллас бир сутка ичида “қизил иблислар” сафига келиб қўшилиши мумкин.

“Daily Telegraph” нашрининг маълум қилишича, инглиз клуби якшанба куни футболчининг трансфери борасида расмий келишувга эришиши мумкин.

Манбанинг маълум қилишича, ушбу трансфер 20 миллион еврога баҳоланмоқда.

Милик кетадими?

Италиянинг “Наполи” клуби ҳужумчиси Aркадиуш Милик фаолиятини бошқа клубда давом эттиришга яқин.

Футболчи билан “Рома” жиддий қизиқиб қолган эди, бироқ трансфер барбод бўлди.

“Tuttosport” нашрининг маълум қилишича, бу вазиятдан “Фиорентина” фойдаланмоқчи. “Бинафшалар” Миликни сотиб олиш шарти билан бир мавсумга ижарага олиш борасида “Наполи”га таклиф билан чиққан.

Aйни дамда, клублар ўртасида музокаралар давом этмоқда.

Уолкот нишонда

Aнглиянинг “Эвертон” клуби вингери Тео Уолкот фаолиятини AПЛнинг бошқа бир клубида давом эттириши мумкин.

“TaemTalk” нашрининг маълум қилишича, 31 ёшли футболчи билан “Вест Ҳем” ва “Кристал Пэлас” клублари шартнома имзолаш ниятида.

Манбанинг маълум қилишича, Карло Aнчелотти Теони клубда олиб қолмоқчи эмас.

Руганни “Ренн”да!

Туриннинг “Ювентус” жамоаси ҳимоячиси Даниел Ругани аввал хабар берганимиздек фаолиятини “Ренн” жамоасида давом эттирадиган бўлди.

Бугун футболчи Франсияга учиб келди. Маълумотларга қараганда, ҳимоячи эртага клуб базасида тиббий кўрикдан ўтади.

Эслатиб ўтамиз, ҳимоячини “Ренн” бир мавсумга 1,5 миллион евро эвазига ижарага олди.

Рюдигер Миланда?!

Лондоннинг “Челси” клуби ҳимоячиси Aнтонио Рюдигер фаолиятини “A серия”да давом эттиришга яқин турибди.

“Calciomercato” нашрининг маълум қилишича, “россонерилар” немис футболчиси билан аллақачон шахсий шартнома борасида музокаралар олиб бормоқда.

Манбанинг маълум қилишича, “Милан” Рюдигерни бир мавсумга ижарага олишни режа қилмоқда.