Лондоннинг «Арсенал» клуби Месут Ўзилни Европа Лигаси қайдномасига киритмади.

Асли турк миллатига мансуб бўлган германиялик футболчи охирги марта 2020 йилнинг 7 март санасида майдонга тушганди. Жорий мавсумда ҳам Ўзил ҳали бирор марта майдонда кўриниш бергани йўқ. У «Арсенал» сафида 2013 йилдан бери тўп суриб келади. Унинг клуб билан шартномаси 2021 йилгача мўлжалланган.

Шунингдек, Сократис Папастатопулос ва Вильям Салиба ҳам Европа Лигаси ўйинларида қатнаша олмайди.

Эслатиб ўтамиз, «Арсенал» гуруҳ босқичида «Рапид» (Австрия), «Молде» (Норвегия) ва «Дондалк» (Ирландия) жамоаларига қарши баҳс олиб боради.