Англиянинг "Манчестер Сити" клуби ҳужумчиси Серхио Агуэро Аргентина терма жамоаси ихтиёрида "Барселона" сардори Лео Месси билан қандай қилиб бир хонада яшаш мумкинлигини айтиб берди.

- У билан ёши катта турмуш ўртоқларга ўхшаймиз. Лео – даҳшат бақиради. Мен ҳар доим телевизор ёниқ ҳолатда ухлаб қоламан ва у эрталаб эътироз қилишни бошлайди. Биз меҳмонхонага соат 19:30да қайтамиз, кечки овқат эса соат 21:00да бошланади. Яъни, улгуришимиз учун етарлича вақт бўлади. Лео дарҳол ювинишга киради ва кечки овқатга шай бўлиб туради. Мен эса бу вақтда хотиржам телефонда суҳбатлашиб ўтирган бўламан. Кечки овқатга ярим соат қолганида у бақиришни бошлайди: "Кечки овқат соат 21:00да, 30 дақиқа вақтимиз бор…"-деб. Мен эса хотиржам телефонда суҳбатлашишда давом этаман ва 10 дақиқа қолганида яна бақиришни бошлайди. Биз доим кеч қоламиз. Гарчи, меҳмонхонага кечки овқатдан бир ярим соат олдин келсак-да… Лекин Месси кеч қолишни ёмон кўради" — Агуэронинг сўзларидан иқтибос келтирмоқда Sport.es сайти.