Angliyaning "Manchester Siti" klubi hujumchisi Serxio Aguero Argentina terma jamoasi ixtiyorida "Barselona" sardori Leo Messi bilan qanday qilib bir xonada yashash mumkinligini aytib berdi.

- U bilan yoshi katta turmush o‘rtoqlarga o‘xshaymiz. Leo – dahshat baqiradi. Men har doim televizor yoniq holatda uxlab qolaman va u ertalab e’tiroz qilishni boshlaydi. Biz mehmonxonaga soat 19:30da qaytamiz, kechki ovqat esa soat 21:00da boshlanadi. Ya’ni, ulgurishimiz uchun yetarlicha vaqt bo‘ladi. Leo darhol yuvinishga kiradi va kechki ovqatga shay bo‘lib turadi. Men esa bu vaqtda xotirjam telefonda suhbatlashib o‘tirgan bo‘laman. Kechki ovqatga yarim soat qolganida u baqirishni boshlaydi: "Kechki ovqat soat 21:00da, 30 daqiqa vaqtimiz bor…"-deb. Men esa xotirjam telefonda suhbatlashishda davom etaman va 10 daqiqa qolganida yana baqirishni boshlaydi. Biz doim kech qolamiz. Garchi, mehmonxonaga kechki ovqatdan bir yarim soat oldin kelsak-da… Lekin Messi kech qolishni yomon ko‘radi" — Agueroning so‘zlaridan iqtibos keltirmoqda Sport.es sayti.