Аргентина терма жамоаси ҳужумчиси Лаутаро Мартинес Боливия терма жамоаси устидан ЖЧ-2022 саралаш босқичи доирасида қўлга киритилган ғалаба ҳақидаги фикрлари билан ўртоқлашди.
"Тарих туфайли ушбу баҳс биз учун нақадар муҳим эканлигини жуда яхши тушунардик. Инкор қилмайман, бу ерда ўйнаш осон эмас. Учрашувдан олдин жуда кўп суҳбатлашдик ва диққатимизни бир жойга жамладик. Ўйинни мана шундай тарзда кечишини билардик. Биз ўз ақлимизни ишга солдик ва бундан жуда хурсандмиз", - Мартинеснинг сўзларидан иқтибос келтирмоқда Аргентина терма жамоаси матбуот хизмати.