Профессионал бокснинг ярим ўрта (-66,68 кг) вазн тоифасида рингга кўтарилаётган Қудратилло Абдуқаҳҳоров IBF йўналишида жаҳон чемпионлик камари учун рингга чиқишдан маҳрум бўлди. Бу ҳақда GoSport.uz манбалари хабар бермоқда.
Қудратилло Абдуқаҳҳоров вақтинчалик жаҳон чемпиони унвонини тақдим этувчи жангда россиялик Сергей Липинецга қарши рингга чиқиши лозим эди. Виза билан боғлиқ муаммолар сабаб жанг аввалига 10 октябрдан 24 октябргача кечиктирилганди. Аммо Абдуқаҳҳоров бу вақтда ҳам виза олишга улгурмади ва натижада IBF чемпионлик камарига биринчи рақамли даъвогарни камардан маҳрум қилишга қарор қилди.
Энди Липинец 24 октябр куни Касто Клэйтонга қарши чемпионлик камари учун жангда иштирок этади.
