Дортмунднинг "Боруссия" клуби футболчиси Эрлинг Холанд жамоасида 2022 йилнинг ёзигача қоладиган бўлди.
AS нашрининг тарқатган маълумотига қараганда, норвегиялик ҳужумчи келаси йилнинг ёзида Мадриднинг "Реал" клубига 75 миллион евро кўчиб ўтиши ҳақидаги маълумотлар ҳақиқатга тўғри келмайди.
Биринчидан, "Боруссия"нинг Холандни агенти Мино Райола билан ҳужумчи 2021/22 йилги мавсумнинг сўнггига қадар жамоада қолиши борасида келишуви бор.
Иккинчидан, "Реал" асосий таркибда Карим Бенземага ишонч билдирмоқда. Шунинг учун, "Қироллик клуби" франциялик ҳужумчига жиддий рақобат кўрсатадиган ҳужумчи сотиб олишни ўз режасига киритмаган.
