Туриннинг «Ювентус» клуби А Сериянинг 4-тур доирасида «Кротоне» (1:1) клуби билан дуранг ўйнади.
Tuttosport нашрининг тарқатган маълумотига қараганда, ўйиндан сўнг Пауло Дибала ва спорт директори Фабио Паратичи ўртасида трибуналар остидаги хонада тўқнашув юзага келган.
Қайд этилишича, аргентиналик футболчи ўйинда заҳирада қолдирилган ва майдонга тушмагани учун жамоа бош мураббийи Андреа Пирлодан норози бўлди. Дибала Аргентина терма жамоаси ихтиёридан соғлиги ёмон ҳолатда келганди. Унинг ичакларида муаммо юзага келганлиги сабабли, терма жамоасининг иккита учрашувини ўтказиб юборганди.
Ўйиндан кейин "Пауло "Кротоне" клубига қарши ўйинда майдонга тушмаса, уни сафар ўйинига олиб боришдан нима фойда" - деб ёзилган "Твиттер"даги постга лайк босганди.
