Енгил вазн тоифасида UFC чемпиони Ҳабиб Нурмагомедов Жастин Гэтжига қарши бўлажак жанги олдидан ўз фикрлари билан ўртоқлашди.

"Гэтжига қарши бўладиган жангга кучли тайёргарлик кўрдим. Ўйлайманки, қанча кўп ишласанг, ғалаба шунчалик ширин бўлади. Жангнинг қайси сценарийда ўтишини билмайман, аммо ўзимнинг жангимни ўтказаман. Биринчи уринишлардан натижа чиқмаса ҳам, мен 25 дақиқа курашишга ҳаракат қиламан.

Агар «стойка»да туриш керак бўлса, мен буни ҳам қиламан. Кураш тушиш, уришиш, «стойка»да туришга тайёрман. Жангни муддатидан олдин якунламоқчиман. Мен уни қай тарзда мағлуб этишимни тасаввур қиляпман.

Гэтжи ҳар бир жангида профессионал сифатида ўсишга эришди. Фергюсон билан жангда у мени ҳайратга солди: Гэтжи эҳтиёткорлик билан жанг қилди, шошилмади, ўзини совуққонлик билан тутди. Муносиб рақиб.

Фергюсонда имконият бор эди, аммо у мағлуб бўлди. Бошқа номзодлар ҳам бор, улар нима қилиши керак? Бизнинг жангимиз ҳақида гапиришга ҳали эрта. Бошланишига у топ-5 ликдан кимнидир мағлуб этиши керак. Бундай имкониятга лойиқ бўлиш керак.

Менга Гэтжининг нима дейиши муҳим эмас. Мен ўз маҳоратим ҳақида ўйлайман. Агар у тўғридан-тўғри жангга киришса, кутиб оламиз, босим ўтказамиз. Мен диққатимни рақибнинг яхши томонларига қаратишни ёқтирмайман. Мен ўзимга ёққан нарсани қиламан. Рақиб нима қилиши кераклиги ҳақида ўйлашни истамайман, айнан шу жиҳатим орқали кўплаб жангчилардан фарқ қиламан", -деди Ҳабиб.