«Аждарлар» Суперлиганинг 21-турида Бекободнинг «Металлург» жамоаси меҳмони бўлишади. Беллашув 26 октябрь куни Бекободдаги "Металлург" стадионида бўлиб ўтади. Беллашув соат 17:00 да бошланади.

Ўзаро учрашувлар тарихидан

ушбу жамоалар Ўзбекистон чемпионатида шу вақтга қадар 45 бор куч синашишган. Бўлиб ўтган 11 учрашувда бекободликлар, 28 ўйинда эса "аждарлар" зафар қучишган. 6 учрашувда эса дуранг натижа қайд этилган.

Тўплар нисбати 36:74 га тенг. Устунлик вакилларимиз тарафида.

Ўзаро учрашувларда қайд этилган энг юқори ҳисоблар қуйидагича: "Металлург" – "Насаф" 3:0, “Насаф“ – “Металлург” 7:0.

Жамоалар сўнгги ўзаро учрашувни 2020 йили 06 июль куни Қаршида ўтказган. Бу учрашувда "аждарлар" 1:0 ҳисобида ғалаба қозонишган. Учрашувдаги ягона голга Акмал Мозговой муаллифлик қилган

Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:

06.07.2020 Насаф — Металлург 1:0

31.07.2019 Насаф — Металлург 1:2

23.06.2019 Металлург — Насаф 0:1

12.06.2018 Металлург — Насаф 2:2

30.03.2018 Насаф — Металлург 1:1