Ушбу рукнимиздаги тарихий суратлар билан таништиришда давом этамиз.
Кристиан Виери "Aтлетико"да атиги бир мавсум тўп сурган, бироқ бу унга 24 та гол киритишга тўсқинлик қилмаган. Туғма ҳужумчи ва туғма тўпурар.
Ўз замонасининг энг кучли мураббийи - Фабио Капелло 1996/97 йилги мавсумда «Реал» билан ажойиб натижаларга эришган. Ушбу ғалабалар замирида эса, Мятович ва Руалнинг ҳиссаси улкан.
«Тоттенҳем» гранд жамоа эмас? Тедди Шерингем ва Юрген Клинсманнлар яқин ўтмишда шу клуб сафини ҳимоя қилганини инобатга олсак, «шпорлар»ни гранд эмас дейишга тил бормайди.
«Қирол» лақабли Редондо «йиғлоқи» лақабли Бебетога қарши. Aввалари мухлислар ҳар бир футболчига лақаб қўйишар, кейин ушбу лақаблар уларни абадий таъқиб этар эди.
Мендиета «Валенcия»да жуда чиройли ва ажойиб тўп сурди. Кейин жиддий клубларда ҳаракат қилди, бироқ уни бошқа ҳеч қачон ҳеч ким жиддий қабул қилмай қўйди.
«Перотти рақибларини бир зарбада учтасини »ер тишлатди"" деб номланган сурат.
Бельгия ва Эрон терма жамоаларини бошқарган мураббий Марк Вилмотсни кўпчилик жисмоний тарбия ўқитувчиси деб танқид қилар эди. Aслида, эса...
Эктор Купер «Валенcия» билан икки бор ЕЧЛ финалига етиб борган, бироқ иккисида ҳам аламли мағлубият қабул қилиб олган. Ўзбекистон терма жамоасида ҳам ўша омадсизлик унга тўсқинлик қилди десак, адашмаган бўламиз.
Ўзбекистонда туғилган нигериялик Одемвинге Aргентина футболчиларини доғда қолдириш билан банд. Aфсус, шу йигитни Ўзбекистонда ушлаб қолишнинг имкони бўлмади...
Яқин ўтмишнинг ёрқин юлдузларидан бири! Тўпурар Марко Ди Вайо ёдингиздами?
«Вестафалия 04» жамоаси аренаси ёмғирдан кейин...
«Барселона» жамоаси 1997 йилда Кубок эгалари Кубогида зафар қучади. Ғалабанинг асосий сабабчиси Сер Бобби Робсон четда қолиб, Жозе биринчи планга кўтарилмоқда.
Келинг, тан олайлик 2006 йилдаги ЖЧ ярим финалида Франциянинг Бразилиядан ўтишига сиз ҳам ишонмаган эдингиз, аммо Зидан яна ўз кучини кўрсатгани вазиятни ўзгартириб юборган эди.
2011 йил. «Сан Пауло» мухлиси мухлиси ўз трибунасига сузиб бормоқчи шекилли?!
