"Андижон" футбол клуби бош мураббийи Бахтиёр Хамидуллаев эгаллаб турган лавозимидан озод этилди. Бу ҳақда клуб матбуот хизмати хабар тарқатди.
Суперлиганинг 22-турида "Сурхон"дан учралган мағлубиятдан сўнг "Андижон" бош мураббийи Бахтиёр Хамидуллаевни жамоа раҳбарияти ўз лавозимидан озод этишга қарор қилди.
Бахтиёр Хамидуллаев бошчилигидаги "бургутлар" 9 учрашув ўтказиб, улардан тўрттасида дурранг, тўрттасида мағлубият ва борйўғи биргина ғалабага эришди.