Италиянинг "Интер" клуби ҳужумчиси Лаутаро Мартинеснинг агенти Роландо Сарате ўз мижозининг келажаги ҳақида фикр билдирди.

Агент ўзининг 23 ёшли мижози "Интер" клуби билан шартномани узайтираётгани ҳақидаги миш-мишларга чек қўйди.

«ОАВ нотўғри хабарлар тарқатмоқда. Бизнинг клубга қарши ҳеч қандай молявий эътирозимих йўқ. Айни пайтда шартномани узайтириш борасида ҳеч қандай музокара олиб борилмаяпти. «Интер» клуби тарафидан янги шартнома таклиф этилмади. Шунингдек, Лаутаро клубдан маошини ошириб беришларини талаб қилмаяпти. Ҳар доим катта клублардан Лаутарога қизиқиш бўлса, унинг клуби шартномани узайтириш пайига тушиб қолади. Бошқа пайтда эса йўқ. Ҳозир биз барча вариантларни кўриб чиқяпмиз.

Лаутарода ҳаммаси жойида. У бундай вазиятда бор эътиборини ўз ўйинларини кучайтиришга қаратишни жуда яхши тушунади. Ташқи фикрларга унчалик ҳам аҳамият беравермайди», — деди агент.