Италиянинг «Аталанта» клуби бош мураббийи Жан Пьеро Гасперини «Ливерпуль» устози Юрген Клопп томонидан билдирилган мақтовлар ҳақида ўз фикрини билдирди.

«Бу жуда катта мақтов. Бу барча мураббийлар учун нималарга қодир бўлганлиги ва йиллар мобайнида қилган меҳнати учун ёқимли сўзлардир. Шубҳасиз, бу сўзлар ўйинга катта интрига бағишлайди.

Биз мақташ шарт бўлмаган дунёнинг энг кучли клубларидан бирига қарши ўйнаймиз. Уларга қарши ўйнаш - биз учун катта обрў. Фақатгина бу учрашув мухлисларсиз бўлиши одамни ҳафа қилиши мумкин.

Биз каби «Ливерпуль» ҳам ҳужумкор ўйин намойиш этади. Улар тўпни назорат қилишни ва ҳимояда тартибли ўйин намойиш этишни ёқтиради. Бу ҳужумкор ўйин намойиш этадиган жамоалар учун жуда муҳим.

Биз учун «Ливерпул»га қарши бўладиган иккита учрашув муҳим аҳамиятга эга. Биз гуруҳнинг энг кучли клуби билан ўйнаймиз. «Аякс»дан ўтишимиз учун ушбу ўйинларда керакли очколарни қўлга киритишимиз керак.

Биз чемпионатда фойдали бўлган тажриба ортирдик. Бугунги кунда футболда фақат кучлилар ғалаба қозонмаяпти, ҳатто кучсиз бўлсанг ҳам керакли натижаларга эришишинг мумкин. Айнан мана шу нарсани биз исботлаб беришимизга умид қиламиз», – деди Гасперини.