Уэльс терма жамоаси бош мураббийи Райан Гиггз 1 ноябрь куни ўз қаллиғига нисбатан тажовузкорлик айблови билан ҳибсга олинди. Бу ҳақда "The Sun" хабар тарқатди.
Манбага кўра, мутахассиснинг қаллиғи Кейт Гревиллнинг ўзи полицияни чақирган. Аёл енгил жароҳат олди, аммо даволанишга эҳтиёж сезмади. 46 ёшли уэльслик мураббий полиция бўлимида сўроқ қилинган.
Ҳуқуқни ҳимоя қилиш органлари тарқатган хабарга кўра, Гиггз ҳужум қилганлик айблови билан ҳибсга олинган. Кейинчалик у гаров эвазига қўйиб юборилган.
"BBC Sport Wales" хабар тарқатишича, Уэльс терма жамоасининг сешанба кунига белгилаган матбуот анжумани бекор қилинган. Уэльс футбол ассоциацияси Гиггз билан боғлиқ вазиятга изоҳ беришдан бош тортди.