Мадриднинг «Реал» клуби бош мураббийи Зинедин Зидан «Интер» (3:2) устидан ЕЧЛдаги қўлга киритилган ғалаба ҳақида фикр билдирди.

«Ўйинда кескинлик доимо сақланиб турди, чунки рақиб жуда яхши жамоа эди. Бизда муаммолар бор эди, лекин мен футболчиларимни табриклашим мумкин, чунки улар ҳақли равишда ғалаба қозонишди.

Ўйинни жуда яхши бошладик, ўзимиз хоҳлагандек прессинг уюштирдик. 2:0 ҳисобида олдинган чиқиб олганимиздан кейин тез чарчаб қолдик. Ўз ўйинимизни кўрсатиш борасида муаммоларга дуч келдик. Иккинчи бўлим тенг курашлар остида ўтди.

Родригони голи жуда чиройли бўлди. Рақиб жисмоний тарафдан анча бақувват жамоа ҳисобланади, улар тезкор ўйин намойиш этишди ва бизга етарлича муаммолар туғдиришди.

Жуда хурсандмиз. Биз бундан ҳам яхши ўйин намойиш этишимиз мумкин, лекин ҳозир бизда хурсандчилик вақт. Кучли рақибларга қарши ўйинда ҳар доим сўнгги дақиқаларгача ғалабага ишониш керак. Мен жуда хурсандмиз», – деди Зидан.