"Интер"нинг аргентиналик ҳужумчиси Лаутаро Мартинес жамоа билан шартномасини узайтиришга тайёр.

Хабар берилишича, томонлар янги шартнома борасида яқин вақтлар ичида музокараларни бошлайди. Терма жамоалар ўйинлари туфайли юзага келадиган танаффусда Лаутаронинг агенти Милан шаҳрига етиб келади ва "Интер" раҳбарияти билан янги шартнома борасида музокараларни бошлайди.

Эслатиб ўтамиз, Каталониянинг "Барселона" клуби Лаутаро Мартинесга узоқ вақт қизиқиш билдириб келди. Лекин, каталониялик молиявий қийинчилик сабабли, аргентиналик футболчини ўз сафига қўша олмаганди.