El Confidencial порталининг тарқатган маълумотига қараганда, Мадриднинг «Реал» клуби Серхио Регилонни жамоа бош мураббийи Зинедин Зиданни ўғли - Люк Зидан билан тортишиб қолганидан кейин сотиб юборишга қарор қилган. Ҳимоячи маълум муддат "Реал"нинг заҳира жамоасига ўтказиб юборилганди ва ўшанда дарвозабон билан тортишиб қолганди.
Кичик Зидан ва Регилонлар нима сабабдан тортишиб қолганликлари очиқланмаяпти. Шу можаро Регилонни сотиб юборилиши учун муҳим роль ўйнади.
Испаниялик футболчи ўтган мавсумни ижара асосида «Севилья» таркибида ўтказганди ва Европа Лигасида ғолиб чиққанди. Ҳозирди эса у Лондоннинг «Тоттенхэм» клуби асосий футболчиси саналади.
Кичик Зидан эса айни пайтда «Райо Вальекано» клуби таркибида Сегундада ўйнамоқда.
